小評油價

OPEC以往關於產量嘅會議多數能達成共識。但最近就非常戲劇。開會前美國已經放晒風話希望油組增產以控制油價係一個“穩定”水平。因為美國經濟復甦面對最大嘅阻礙就係通脹。110蚊嘅油，佢頂唔順，所以就使橫手。

大家可以上網search下油組成員。原來有利比亞喎！咁你知點解卡達飛咁靚仔都比人打啦？

講返個會，竟然仲有人咁大胆投反對。嗰晚隻油彈升幾蚊。但美國又點會就咁算呀?佢說服到朋友沙特第二日就宣布自己增產，當其他會員死嘅。美國亦出口術話會動用戰略儲備推低油價。結果油價由105水平一直下降至95。

好啦上周國際能源機構真係宣布未來一個月會推出6000萬桶原油儲備應市，油價亦跌穿了200天移動平均線，走勢上比黃金及銅價來得疲弱。

現水平已相等於由高位回落兩成，長遠油價始終有各種利好因素帶動。供求亦不會單靠儲備平衡。把握到低位，相信可帶來可觀回報。留意穿90帶來嘅反彈。個人愛股中海油則留意$17.3。

忽然咬文嚼字

父親去廣西旅遊，29.8人仔買左本3寸厚嘅古文導讀。

咪走住~ 偶然細閱，其實饒有趣味

念奴嬌 蘇軾

節錄：凭高眺遠，見長空萬里，雲無留迹。桂魄（註：古人認為日為魂，月為魄，月上有桂樹記得嗎？桂魄即指月亮）飛來，光射處，冷浸一天秋碧。

唔講真係唔知講乜，但有左解說，讀起上來就有啲味兒啦!

之後就精彩啦！諗起鄧麗君嘅名曲。

我醉拍手狂歌，舉杯邀月，對影成三客。起舞徘徊風露下，今夕不知何夕。便欲乘風，翻然歸去，何用騎鵬翼？水晶宮里，一聲吹斷橫笛！

你話念奴嬌好似唔係咁。冇錯，蘇軾仲有首念奴嬌之赤壁懷古

大江東去，浪淘盡，千古風流人物。故壘西邊，人道是，三國周郎赤壁。亂石穿空，惊濤拍岸，卷起千堆雪。江山如畫，一時多少豪傑。

遙想公瑾當年，小喬初嫁了，雄姿英發，羽扇綸巾，談笑間，強虜灰飛煙滅。故國神遊，多情應笑我，早生華發。人生如夢，一尊還酹江月。

哦~ 原來如此。眼瞓，夠皮~

2011-6-18 風和日麗

法國之旅第6天

第6日 - 巴黎 --> Rennes --> St-Malo
(Day 1 至 Day 5，係Facebook睇住相先啦)

早上由酒店再次回到Montparnasse車站，坐個半鐘TGV到Rennes，以此為轉車站往St-Malo。因為往St-Malo嘅火車每小時一班一直至晚上，所以乘機往Rennes市內隨便走走。

Rennes只係一個小城市，有一個在火車站傍的小商業區、市中心、舊區及大學區，以一條自動地鐵連接。當中舊區街行縱橫，小什攤、小教堂令人步伐放慢下來。

Rennes舊區小街

午後坐火車到St-Malo Gare，再轉巴士到海岸城區。以為St-Malo比Rennes更小，睇旅遊書只知道以海產知名。本來打算入城食餐飯，瞓醒明天到Mont St Michel方為戲玉。點知呢個地方亦別具特色。

Gare De Saint Malo
由火車站坐巴士到城區總站只需數分鐘。沿途經過規模巨大嘅堤壩，壩上向海的一邊一字排著數層高嘅酒店，住宅。另一邊就係避風港，泊滿漁船。而所謂巴士總站，落車一望，果然同Google Map一樣 (笑，唔一樣就担心囉~)，只係一個迴旋處。

整個城鎮由城牆環繞

步入城內，方後悔太遲到達。迎著入口的大街，滿佈海鮮餐廳。各式其式嘅小店充滿小鎮氣息。石鋪的小路，引領我們到市集、小街、斜路。雖為旅遊區，但不帶丁點繁囂。天色開始暗下來，搵酒店的途中，教堂傳來陣陣鐘聲。。。

城牆內

於酒店安頓好後，輕裝出發搵野食。。。

最終揀左呢間。咁難得，緊係要試返個seafood platter啦!!!

食飽就慢慢行返酒店，明早出發到 Mont St Michel!!!

天空之城

最近讀到不少好Blog。旅遊、攝影、金融、生活等等，真的獲益不少。想到自己其實亦需要一個地方分享攝影作品及遊歷。就這樣，我的部落格開始了。。。

首個目標為每日一相

   

法國聖米歇爾山

2011年4月法國遊，專程抽了兩天到此一遊。